Description

വടക്കൻ മലബാറിന്റെ തനത് ജനാധിപത്യ മര്യാദകളുടെ മേൽ അക്രമ
രാഷ്ട്രീയത്തിലൂടെയും, പാർട്ടി ഗ്രാമങ്ങളിലൂടെയും ആധിപത്യം
സ്ഥാപിച്ചിരിക്കുന്നതിനെതിരെയുള്ള പോരാട്ടമാണ് ഈ ഗ്രന്ഥം.
വികസന ജനാധിപത്യ സ്വപ്നങ്ങൾക്ക് വിലങ്ങിടുന്ന പാർട്ടിയായി മാർക്സിസ്റ്റ്
പാർട്ടി മാറിയതിന്റെ നേരനുഭവങ്ങൾ വിവരിക്കുകയാണ് 2021-ൽ യു ഡി
എഫിനു വേണ്ടി കേരള കോൺഗ്രസ്സ് സ്ഥാനാർഥിയും ശ്രീ. കെ എം
മാണിയുടെ ജാമാതാവും കൂടിയായ തൃക്കരിപ്പൂരിൽ മത്സരിച്ച ഗ്രന്ഥകർത്താവ്
എം പി ജോസഫ്. മാർക്സിസ്റ്റ് പാർട്ടിയുടെ തൃക്കരിപ്പൂരിലെ വികസന
വിരുദ്ധതയുടെയും അക്രമാധിപത്യത്തിന്റെയും വഴികൾ തുറന്ന് കാട്ടുകയാണ്
ഈ ഗ്രന്ഥം. IPS ൽ കേരളത്തിൽ നിന്ന് രണ്ടാമനായും, പിന്നീട് IAS ൽ
കേരളത്തിൽ നിന്ന് ഒന്നാമനായും സർവീസ് ആരംഭിച്ച്, യു എന്നിൽ 20 വർഷം
സേവനമനുഷ്ഠിച്ച എം പി ജോസഫ്, 2015-ലാണ്
രാഷ്ട്രീയത്തിലേക്കിറങ്ങുന്നത്.