Description

സൂര്യ ചുംബനമേറ്റു വരണ്ടുൾവലിയുന്ന, മഴയിൽ ചിലങ്കയണിഞ്ഞുലയുന്ന പുഴയുള്ള നാടിന്റെ കുളപ്പടവിലിരുന്ന് കുറുമ്പിന്റെ വെണ്ണയുണ്ട് അമ്മമ്മക്കഥ കേട്ട് തണൽമരച്ചില്ലയിൽ ആവണിയുഞ്ഞാലാടി, മേടക്കണിയോടെ നാരീവിലാപമില്ലാത്ത, നിഷാദന്റെ ശരമുറിവേൽക്കാതെ എവിടെയോ ഒ. കിളിപ്പെണ്ണ് അടയിരിക്കുന്നെന്ന പ്രതീക്ഷാകിരണം വീണ്ടും കാണുന്നു രാജേഷ് പനയന്തട്ട വൃത്തങ്ങളുള്ള കവിതകളിലൂടെ.
-വയലാർ ശരത്ചന്ദ്ര വർമ്മ

രാജേഷ് പനയന്തട്ടയുടെ കവിതകളിൽ ഭാഷയുടെ ശൈഥില്യമല്ല, സമന്വയമാണ് കാണുവാൻ കഴിയുക. അതിന്റെ ഭംഗിയിയിൽ ഈ കവിതകൾ പൂക്കുകയും തളിർക്കുകയും ചെയ്യുന്നുണ്ട്. അപൂർവം സന്ദർഭങ്ങളിൽ ആകാശം തൊടാൻ വെമ്പുന്നോ എന്ന് സംശയം ജനിപ്പിക്കുന്ന വിധം ഒരുപാട് ലതകൾ മേലോട്ട് വളർന്നു കുതിക്കുന്നുമുണ്ട്.
-ബക്കർ മേത്തല