Description

എല്ലാ അറിവിനേക്കാളും തത്വചിന്തയേക്കാളും മുകളിൽ നിൽക്കുന്നതാണ് സംഗീതം എന്ന് വിശ്വസിച്ച ലുഡ്വിഗ്വാൻ ബിഥോവൻ എന്ന മഹാപ്രതിഭ യുടെ ജീവിതവും സംഗീതവും അടുത്തറിയാൻ സഹായിക്കുന്ന കൃതി. നമ്മുടെ ജീവിതത്തിൽ ആത്മീയതയും ലൗകികതയും തമ്മിലുള്ള സംഘർഷങ്ങളിൽ സംഗീതം എങ്ങനെ മധ്യസ്ഥത വഹിക്കുന്നുവെന്ന് ബിഥോവന്റെ ജീവിതത്തിലൂടെ വ്യക്തമാക്കുന്നു. ആത്മാവിൽ വിശുദ്ധിയുള്ളവർക്കേ സംഗീതാത്മകമായി ജീവിക്കാൻ സാധ്യമാവു എന്നദ്ദേഹം കാണിച്ചു. പുരുഷന്റെ ഹൃദയത്തിൽ നിന്ന് തീയും സ്ത്രീയുടെ കണ്ണിൽനിന്ന് നീർത്തുള്ളിയും പുറത്തുകൊണ്ടുവന്ന ആ സംഗീത മാന്ത്രികന്റെ സമഗ്രചിത്രം കത്തുകളിലൂടെയും ജീവിതത്തിലൂടെയും വായിച്ചറിയാനുള്ള പുസ്തകം.

ആത്മാവ് ജീവിക്കുകയും ചിന്തിക്കുകയും സ്വപ്നം കാണുകയും ചെയ്യുന്ന ആലക്തികഭൂമികയാണ് സംഗീതം.

ബിഥോവൻ