Description

“മൾട്ടിപ്ലക്സ്’ സൗത്തിന്ത്യൻ സിനിമകളുടെ ഒരു പഠന കൊട്ടകയാണ്. സൂപ്പർതാരാനന്തര സിനിമ സഞ്ചരിച്ച പന്ഥാവുകളെ പുസ്തകം പിന്തുടരുന്നു. താരശരീരത്തിലെ ദുർമേദസ്സുകൾ കൃത്യമായ വ്യായാമത്തിലും ഡയറ്റ് പ്ലാനിലും ലഘൂകരിച്ച് സൂപ്പർതാരം ജൈവികമായി നടത്തുന്ന രാഷ്ട്രീയ പ്രവർത്തനമാണ് സൂപ്പർതാരാനന്തര കാലം! മിഷ്കിന്റെ “സൈക്കോ’, ഡോ. ബിജുവിന്റെ പ്രത്യാശയുടെ വെയിൽമരങ്ങൾ’, “പെയിന്റിങ് ലൈഫ്’, റാമിന്റെ “പേരൻപ്’, അഞ്ജലി മേനോന്റെ “കൂടെ’, സക്കറിയയുടെ “ഹലാൽ ലൗ സ്റ്റോറി’, നരണിപ്പുഴ ഷാനവാസിന്റെ ‘കരി’, “സൂഫിയും സുജാതയും’, സി പ്രേംകുമാറിന്റെ “96′, ഷാനവാസ് ബാവക്കുട്ടിയുടെ തൊട്ടപ്പൻ’, മധുപാലിന്റെ ഒരു കുപ്രസിദ്ധ പയ്യൻ’, ജൂബിത്ത് നമഡത്തിന്റെ “ആഭാസം’ എന്നീ സിനിമകൾ ഇവിടെ റിവ്യൂ ചെയ്യുന്നു.