Description

ഹംസഗാനം
ടി പത്മനാഭൻ
കാവ്യാത്മകമായ ഉൾക്കാഴ്ചകൾ പ്രകടിപ്പിക്കുന്ന ടി. പത്മനാഭന്റെ
വാക്കുകൾ ആദിയിൽ ഒഴുകിവരുന്ന വിളക്കുകളായിത്തീരുന്നു
എന്നെഴുതിയത് കെ. പി. അപ്പൻ. സംഗീതം വേറെ, ഒച്ചപ്പാടുകൾ
വേറെ എന്നു തിരിച്ചറിയുന്ന മലയാളത്തിന്റെ പ്രിയപ്പെട്ട
കഥാകാരന്റെ രചനകളിൽ യാത്രയുടെ വെളിച്ചമുണ്ട്.
പത്മനാഭന്റെ കഥകളിൽ നിറയെ യാത്രകളാണ്.
ഒരുപാട് കഥകളുടെ പശ്ചാത്തലം പ്ളാറ്റ്ഫോമുകളും
തീവണ്ടികളുമാണ്. ഒരു കഥയുടെ പേരുതന്നെ
“യാത’യെന്നാണ്. മഴയും യാത്രയും ഇങ്ങനെ അനുഭവിപ്പിക്കുന്ന
മറ്റൊരു കഥ മലയാളത്തിലില്ല.
-പി. കെ. പാറക്കടവ്
ടി.പത്മനാഭന്റെ കഥാപാത്രങ്ങളിലധികവും ഒറ്റയാൻമാരും
ദുഃഖിതരുമാണ്. പത്മനാഭന്റെ രചനകളിലൂടെയുള്ള
തിരനോട്ടം നടത്തൽ, ജീവിതാനുഭവം സൃഷ്ടിക്കുന്ന
അപമാനവീകരണത്തിന്റെ അനുഭവങ്ങളിലേക്കാണ്
:
നമ്മെ നയിക്കുന്നത്. ഇന്ദ്രിയസംവേദ്യമായ ഭാഷയും,
അതിനിടയിൽ ഉയിർന്നുപൊന്തുന്ന പത്തുകഥകളിലെ
വിവരണാതീതമായ ഭാവശിൽപവും ജീവിതത്തിന്റെ
വേദന പുരണ്ട ഏടുകളെ തന്നെയാണ് വെളിപ്പെടുത്തുന്നത്.
-സുനിൽ സി.ഇ.