Description

സി എച്ചിന്റെ
പ്രഭുക
കേരളം കണ്ട രാഷ്ട്രീയ നേതാക്കളിൽ പൊതുസമ്മതനായിരുന്ന
സി.എച്ച്. മുഹമ്മദ്കോയയുടെ പ്രഭാഷണങ്ങൾ.
രാഷ്ട്രീയ-സാമൂഹിക വിഷയങ്ങളിൽ അതാത് കാലവും ജനങ്ങളും ആവശ്യപ്പെടും
തരത്തിൽ നടത്തിയ ഈ പ്രഭാഷണങ്ങൾ ചിന്തിപ്പിക്കുകയും പുതിയ
ആശയങ്ങൾക്ക് വഴി ഒരുക്കുകയും ചെയ്യുന്നു.
സി.എച്ച്. പങ്കെടുത്ത സാമൂഹിക സാംസ്കാരിക യോഗങ്ങളിൽ ചെന്ന്
നേരിട്ട് റിക്കാർഡ് ചെയ്യുകയായിരുന്നു ജനാബ് എസ്. കമാലുദ്ദീൻ.
അതിലൂടെ അദ്ദേഹം വലിയ സേവനമാണ് നിർവഹിച്ചിരിക്കുന്നത്.
– മുഹമ്മദലി ശിഹാബ് തങ്ങൾ
സി.എച്ചിന്റെ പ്രസംഗങ്ങൾ വളരെയധികം പ്രസിദ്ധങ്ങളാണ്. അവയിലെ
കാര്യങ്ങളും കഥകളും ഫലിതങ്ങളുമെല്ലാം പണ്ഡിതനെയും പാമരനെയും
ഒരുപോലെ ചിന്തിപ്പിക്കുകയും ചിരിപ്പിക്കുകയും ചെയ്യും.
– ഇ. അഹമ്മദ്
ഞങ്ങളുടെയെല്ലാം നേതാവും വഴികാട്ടിയുമായിരുന്നു സി.എച്ച്. അദ്ദേഹത്തിന്റെ
വാഗ്ധോരണി ഏവർക്കും ഏറെ ഇഷ്ടപ്പെട്ടിരുന്നു. നർമരസം കലർന്ന പ്രയോഗങ്ങൾ
കൊണ്ടും കഥകളും കവിതാശകലങ്ങൾ കൊണ്ടും വളരെ ശ്രദ്ധേയമായിരുന്നു
അദ്ദേഹത്തിന്റെ പ്രഭാഷണങ്ങൾ. സി.എച്ചിന്റെ ശബ്ദവും വ്യക്തിപ്രഭാവവും
ഏത് പൊതുവേദിയേയും നിറമുള്ളതാക്കിയിരുന്നു.
– പി.കെ. കുഞ്ഞാലിക്കുട്ടി
സി.എച്ചിന്റെ ആയിരക്കണക്കിനുള്ള ശിഷ്യഗണങ്ങളിൽ ഒരാൾ മാത്രമായ എനിക്ക്
അദ്ദേഹത്തിന്റെ നേരിട്ടുള്ള പ്രോത്സാഹനവും ആശീർവാദവും ഏറ്റുവാങ്ങാൻ
കഴിഞ്ഞുവെന്നത് ഇന്നും ജീവിതത്തിൽ ഒരു വലിയ കാര്യമായിത്തീരുന്നു.
– ഇ.ടി. മുഹമ്മദ് ബഷീർ
എഡിറ്റർ : എസ് കമാലുദ്ദീൻ